Компаративна eкономска aнализа Македонија vs. Белгија (Macedonia vs. Belgium - Comparative Economic Analysis)

Macedonian Abstract: Основна цел на овој труд е преку компаративна анализа на две навидум слични, но во пракса целосно различни европски држави – Македонија и Белгија да покаже како различниот пристап во решавањето на економските прашања може да доведе до различна динамика на економскиот развој. Трудот е поделен на шест глобални целини. Првата е краток историски осврт на двете земји. Втората и третата целина го покажуваат развојот на надворешната трговија и начинот на јакнење на конкурентската способност на Белгија низ годините. Идејата на третиот дел е тој да претставува пат-водилка како Македонија според примерот на Белгија да ги развива своите конкурентски предности и на тој начин да се стекне со задоволителна конкурентска предност во европски и светски рамки. Четвртиот дел го обработува образовниот систем како никулец на економскиот развој. Во петтата глава е претставена една компаративна студија за најбитниот сектор за македонското стопанство – земјоделството и како неговата интензивност помогнала за развојот на Белгија. На крај, трудот се фокусира на трговската политика и насоките на развој на Македонија во иднина користејќи ги белгиските искуства. Во трудот се користени методите на анализа на статистички податоци, историска анализа, компаративна анализа и дедукција