پاکستان کی اسلامی بنکاری میں رائج رننگ مشارکہ : شرعی اصول وضوابط کی روشنی میں ایک تحلیلی مطالعہ (Practice of Running Musharkah in Pakistani Islamic Banks: An Analytical Study in the Light of Shariah Principles)

Urdu Abstract: چند سال قبل اسلامی بینکوں میں مشارکہ کی بنیاد پررننگ مشارکہ کے نام سے ایک نئی پروڈکٹ متعارف ہوئی جس کا ڈھانچہ شرکت کی قسم شرکت العقد کے اصولوں پر تشکیل پاتا ہے۔اسلامی دنیا کے نامورمحققین اس پروڈکٹ کے حوالے سے کافی تحفظات رکھتے ہیں، کیوں کہ اُن کی نظر میں رننگ مشارکہ بھی انھی خرابیوں کا باعث بن رہا ہے جن کی بنا پر سودکو ممنوع قرار دیا گیاتھا۔فی الوقت یہ بات انتہائی اہمیت اختیار کر چکی ہے کہ رننگ مشارکہ کا فقہی اور شرعی تجزیہ کیاجائے اور اس کی جزئیات میں جاکر معاملے کی حقیقت کو جانا جائے۔ اس مقالے میں یہ کوشش کی گئی ہےکہ شرکت العقد کے بنیادی فقہی تصور کی وضاحت کرتے ہوئے اسلامی بینکوں میں رائج رننگ مشارکہ کا عملی ڈھانچہ بیان کیا جائے اوراس کے ساتھ رننگ مشارکہ کے حوالے سے چند اہم فقہی پہلوؤں پر بھی روشنی ڈالی جائے تاکہ شرکت العقد کے اسلامی تصوّر اور اسلامی بینکوں میں اُس کی عملی تعبیر میں موجود اشتراک و افتراق نمایاں ہوجائیں ۔تاہم اس مقالے کا بنیادی مقصد اِن اہم سوالوں کا جواب تلاش کرنا ہے کہ رننگ مشارکہ میں فریقین کے مابین شراکت کی نوعیت کیا ہوتی ہے؟ فریقین میں سرمایہ داری کس تناسب سے ہوتی ہے اور کیا فریقین کے مابین نفع و نقصان کی تقسیم میں اس تناسب کا اظہاربھی ہوتا ہے یا نہیں ؟ فریقین کے مابین نفع ونقصان کی تقسیم کن اصولوں کے تحت کی جاتی ہے؟ کیا سودی بینکاری نظام کی طرح یہاں بھی منافع جات کا بہاؤ کسی ایک فریق کی جانب تو نہیں ہوتا ؟ایک شریک یا مضارب عقد ِشرکت یا مضاربت میں قرض ، ہبہ یا کسی حق سے دست بردار ہونے میں کس قدر آزاد ہوتا ہے؟کیا یہ پروڈکٹ متوازن تقسیم ِدولت میں معاون ثابت ہو رہی ہے یا نہیں ؟