Positioning of a company in the new economy : the development of a conceptual positioning model

AFRIKAANSE OPSOMMING: Globalisering, tegnologiese vooruitgang, die Internet en veranderinge in Suid-Afrika vanaf 1994 het bygedra tot die huidige nuwe ekonomie. Indien organisasies wil oorleef in die nuwe ekonomie sal hulle moet aanvaar dat die nuwe ekonomie ‘n aantal nuwe uitdagings te weë gebring het tot die manier waarop besigheid gedoen word in Suid-Afrika en in die res van die wêreld. In die nuwe ekonomie moet organisasies takties te werk gaan om volgehoue sukses te verseker. Besluitnemers moet die impak wat die nuwe ekonomie op hulle besigheid en hul stand in die betrokke mark het analiseer en strategiese beplanning doen oor hoe die organisasie gaan aanpas in die nuwe ekonomie om oorlewing te verseker in ‘n mark wat aanhoudend verander. Verwantskappe met interne en eksterne belangegroepe en deelhebbers is van kardinale belang in die nuwe ekonomie. Organisasies moet hul fokus plaas op verwantskappe met belangegroepe wat deel is van die besigheidsproses en sodoende deelhebbers beïnvloed tot voordeel van die organisasie. ‘n Aantal nuwe toetreders tot die mark (klein tot medium ondernemings en internasionale organisasies wat investeer in Suid-Afrika) het ‘n beduidende toename in mededinging veroorsaak. Die toename in mededinging het op sy beurt gelei tot ‘n groter veskeidenheid aanbiedinge wat beskikbaar gestel word aan verbruikers en ander belangegroepe. Die reputasie van ‘n organisasie, sy produkte en sy werknemers speel ook ‘n baie belangrike rol in die nuwe ekonomie aangesien belangegroepe en deelhebbers verkies om geassosieer te word met geloofwaardige en suksesvolle organisasies, produkte en dienste. Dit is dus belangrik dat indien ‘n organisasie will oorleef in die nuwe ekonomie moet die organisasie homself onderskei van ander en seker maak dat hulle ‘n plek in die gedagtes van hulle belangegroepe en deelhebbers toe eien.Die enigste manier om ‘n mededingende voordeel binne die nuwe ekonomie te bewerkstellig is om die besigheid takties in die gedagtes van alle belangegroepe en deelhebbers te posisioneer. As gevolg van die uitdagings en veranderinge wat die nuwe ekonomie te weeg gebring het kan ‘n organisasie nie langer net staat maak op tradisionele bemarkingsbeginsels om hulle self te posisioneer nie. ‘n Posisionerings- (of plasings-) strategie moet ontwikkel en toegepas word deur ‘n stelsel benadering te volg waar die hele organisasie betrokke is in posisionering.Die navorser het hierdie studie aangepak omrede ‘n handleiding te ontwerp en daar te stel vir besluitnemers in organisasies wat hul betrokke organisasies takties wil posisioneer in die nuwe ekonomie.Om die konsepsionele model vir posisionering (of plasing) van ‘n organisasie in die nuwe ekonomie daar te stel het die navorser kwalitatiewe navorsing gedoen wat ‘n studie van gepaste vak-inhoud, teorieë, beskikbare studiemateriaal, opinies van deskundiges en ‘n inhouds-analise van steekproef onderhoude ingesluit het.Die resultaat van die studie is ‘n goed geformuleerde teoretiesie model vir posisionering van ‘n organisasie in die nuwe ekonomie wat enige organisaie wat dit toepas in sy geheel sal bevoordeel en sy posisionering sal versterk.